UNFPA
គម្រោងវិមជ្ឈការ និងវិសហមជ្ឈការគាំទ្រដោយមូលនិធិសហប្រជាជាតិសម្រាប់ប្រជាជន
United Nations Population Fund(UNFPA)
ក/.ស្ថានភាពទូទៅៈ
មូលនិធិអង្គការសហប្រជាជាតិសម្រាប់ប្រជាជន United Nation Population Fund ហៅកាត់ថា UNFPA គឺជាភ្នាក់ងារអភិវឌ្ឍន៍អន្តរជាតិ ដែលលើកកម្ពស់សិទ្ធិស្ត្រី បុរស និងកុមារគ្រប់រូបឲ្យមានភាពរីករាយ សុខដុមរម្យនា សុខុមាលភាព ដែលទទួលបានឪកាសដូចៗគ្នាក្នុងការទទួលសេវា។
ក្នុងគោលនយោបាយសហប្រជាជាតិសម្រាប់ប្រជាជន UNFPA ផ្ដោតទៅលើសកម្មភាពចម្បងៗចំនួនបីគឺៈ ប្រជាជន ការអភិវឌ្ឍ យេនឌ័រ និងសុខភាពបន្តពូជ។ UNFPA ត្រូវបានចូលរួមប្រតិបត្តិដោយក្រសួងស្ថាប័នមួយចំនួនដូចជា ក្រសួងផែនការ ក្រសួងសុខាភិបាល ក្រសួងមហាផ្ទៃ ក្រសួងកិច្ចការនារី ក្រសួងអប់រំ យុវជន និងកីឡា និងអង្គការសង្គមស៊ីវិលមួយចំនួន។
ផ្អែកតាមគោលនយោបាយជាតិប្រជាជន គឺគោលនយោបាយជាតិប្រជាជន ដែលត្រូវបានគាំទ្រដោយ UNFPA បានធ្វើសកម្មភាពលើបញ្ហាដូចជា. ១)-ប្រជាជន និងការអប់រំៈ ឆ្លុះបញ្ចាំងទៅលើការបែងចែកអាយុ ការផ្លាស់ប្ដូរទីលំនៅយុវវ័យ។ ២).សុខភាពបន្តពូជៈ ឆ្លុះបញ្ចាំងទៅលើផែនការគ្រួសារ ការថែទាំសុខភាពមុនពេលសម្រាល ជំនាញខាងសម្រាលកូន និងបញ្ហាមេរោគឆ្លង និងជម្ងឺអេដស៍។ ៣).យេនឌ័រៈ ឆ្លុះបញ្ចាំងទៅលើសមភាព និងការបញ្ជ្រាបយេនឌ័រ វិស័យសិក្សាអប់រំ សុខភាព និងយេនឌ័រ អំពើហិង្សា និងស្ត្រី និងស្ត្រី ក្នុងផ្នែកនយោបាយ និងការសម្រេចចិត្ត។
ដោយឡែកក្រសួងមហាផ្ទៃ ដែលមានអគ្គនាយកដ្ឋានរដ្ឋបាលមូលដ្ឋាន ជាភ្នាក់ងារអនុវត្តគម្រោងគាំទ្រវិមជ្ឍការ និងវិសហមជ្ឈការរបស់រាជរដ្ឋាភិបាលកម្ពុជា ដែលបានឧបត្ថម្ភគាំទ្រដោយ UNFPA បានផ្ដោតទៅលើសកម្មភាពកម្មវិធីប្រជាជន និងការអភិវឌ្ឍ។
ខ/.គោលបំណង UNFPA ប្រតិបត្តិដោយក្រសួងមហាផ្ទៃៈ
-ពង្រឹង និងជម្រុញការយល់ដឹងអំពីបញ្ហាប្រជាជន បញ្ហាយេនឌ័រ បញ្ហាសុខភាពបន្តពូជ និងបញ្ហាយុវវ័យដល់ក្រុមប្រឹក្សាឃុំ សង្កាត់ គណៈកម្មាការទទួលបន្ទុកកិច្ចការនារី និងកុមារឃុំ សង្កាត់ ប្រជាពលរដ្ឋក្នុងសហគមន៍។ ពិសេសជាបញ្ហាមួយដ៏សំខាន់សម្រាប់ ឃុំ សង្កាត់ អាចដាក់បញ្ចូលក្នុងផែនការអភិវឌ្ឍន៍ និងកម្មវិធីវិនិយោគឃុំ សង្កាត់។
-ពង្រឹងសមត្ថភាពនិងផ្សព្វផ្សាយដល់មន្ត្រីថ្នាក់ជាតិ និងក្រោមជាតិ ព្រមទាំងមន្ត្រីអង្គភាពពាក់ព័ន្ធ និងសហគមន៍អំពីបញ្ហាប្រជាជន ការអភិវឌ្ឍនូវសុខភាព និងបញ្ហាយុវវ័យ។
គ/.ការចាត់ចែងអនុវត្តគម្រោងៈ
គម្រោងមូលនិធិសហប្រជាជាតិ គឺជាគម្រោងមួយសម្រាប់គាំទ្រវិមជ្ឍការ និងវិសហមជ្ឍការរបស់រាជរដ្ឋាភិបាលកម្ពុជា មានរយៈពេល៥ឆ្នាំ ចាប់ពីឆ្នាំ២០០៦ ដល់ឆ្នាំ២០១០ ។
ក្នុងការប្រតិបត្តិការគម្រោង ក្រសួងមហាផ្ទៃ និង UNFPA បានចុះអនុស្សរណៈរួមគ្នានៅថ្ងៃទី០១ ខែមេសា ឆ្នាំ២០០៦។ គម្រោងនេះដែលត្រូវអនុវត្តដោយអគ្គនាយកដ្ឋានរដ្ឋបាលមូលដ្ឋាន នៃក្រសួងមហាផ្ទៃ ព្រមទាំងមានមន្ត្រីបង្គោលពីនាយកដ្ឋានរដ្ឋបាលមូលដ្ឋានជាអ្នកសម្របសម្រួល។
សម្រាប់ការប្រតិបត្តិគម្រោងនេះ អគ្គនាយកដ្ឋានរដ្ឋបាលមូលដ្ឋាន បានរៀបចំយន្តការសម្រាប់អនុវត្ត គឺបង្កើតក្រុមការងារមួយដើម្បីអនុវត្តគម្រោង ព្រមទាំងសម្របសម្រួល និងតាមដានត្រួតពិនិត្យសកម្មភាពគម្រោង។ ភារកិច្ចក្រុមការងារនេះ ត្រូវបានកំណត់តាមសេចក្ដីសម្រេចបង្កើតក្រុមការងារនៃគម្រោងគាំទ្រវិមជ្ឍការ និងវិសហមជ្ឍការគាំទ្រដោយមូលនិធិសហប្រជាជាតិសម្រាប់ប្រជាជន UNFPA ។
ឃ/.ខេត្តគោលដៅៈ
ផ្អែកតាមអនុស្សរណៈរវាងក្រសួងមហាផ្ទៃ និងតំណាង UNFPA ប្រចាំកម្ពុជា បានកំណត់រយៈពេលអនុវត្តគម្រោង ចាប់ពីឆ្នាំ២០០៦ ដល់ឆ្នាំ២០១០ ដែលបានគាំទ្រដល់ខែត្រគោលដៅដូចជា៖
-ឆ្នាំ២០០៦ (១) ខែត្រក្រចេះ មានស្រុកប្រតិបត្តិចំនួនពីរ គ្របដណ្ដប់លើ ៤៦ឃុំ ។ (២)ខែត្រកោះកុង មានស្រុកប្រតិបត្តិចំនួនមួយ គ្របដណ្ដប់លើ ១៣ឃុំ ។ (៣)ខែត្រសៀមរាប មានស្រុកប្រតិបត្តិចំនួនពីរ គ្របដណ្ដប់លើ ៤៤ឃុំ ។
-ឆ្នាំ២០០៧ (១)ខែត្រកំពង់ចាម មានស្រុកប្រតិបត្តិចំនួនពីរ គ្របដណ្ដប់លើ ១៤ឃុំ សង្កាត់។ (២)ខែត្របាត់ដំបង មានស្រុកប្រតិបត្តិចំនួនពីរ គ្របដណ្ដប់លើ ៣៤ឃុំ សង្កាត់។
-ឆ្នាំ២០០៨ (១)ខែត្រកំពង់ធំ មានស្រុកប្រតិបត្តិចំនួនមួយ គ្របដណ្ដប់លើ ២០ឃុំ សង្កាត់។ (២)ខែត្រមណ្ឌលគិរី មានស្រុកប្រតិបត្តិចំនួនមួយ គ្របដណ្ដប់លើ ២១ឃុំ សង្កាត់។ (៣)ខែត្របន្ទាយមានជ័យ មានស្រុកប្រតិបត្តិចំនួនមួយ គ្របដណ្ដប់លើ ២១ឃុំ សង្កាត់។ (៤)ខែត្រប៉ៃលិន មានស្រុកប្រតិបត្តិចំនួនមួយ គ្របដណ្ដប់លើ ០៨ឃុំ សង្កាត់។ (៥)ខែត្រឧត្តរមានជ័យ មានស្រុកប្រតិបត្តិចំនួនមួយ គ្របដណ្ដប់លើ ២៤ឃុំ សង្កាត់។
-ឆ្នាំ២០០៩-២០១០ (១)ខែត្រកំពង់ឆ្នាំង មានស្រុកប្រតិបត្តិចំនួនពីរ គ្របដណ្ដប់លើ ៦៩ឃុំ សង្កាត់។ (២)ខែត្រព្រះវិហារ មានស្រុកប្រតិបត្តិចំនួនមួយ គ្របដណ្ដប់លើ ៤៩ឃុំ សង្កាត់។ (៣)ខែត្ររតនៈគិរី មានស្រុកប្រតិបត្តិចំនួនមួយ គ្របដណ្ដប់លើ ៤៩ឃុំ សង្កាត់។(៤)ខែត្រស្ទឹងត្រែង មានស្រុកប្រតិបត្តិចំនួនមួយ គ្របដណ្ដប់លើ ៣៤ឃុំ សង្កាត់។
-ឆ្នាំ២០១១ មានខេត្តគោលដៅចំនួន ៧ ដូចជា (១) ខេត្តបន្ទាយមានជ័យ៤៤ឃុំ សង្កាត់ (២)ខេត្តកំពង់ចាម ៥២ ឃុំ សង្កាត់ (៣)ខេត្តកំពង់ឆ្នាំង ៦៩ឃុំ សង្កាត់ (៤)ខេត្តព្រះវិហារ ៤៩ឃុំ សង្កាត់ (៥)ខេត្តរតនគិរី៤៩ឃុំ សង្កាត់ (៦)ខេត្តសៀមរាប ៤៥ឃុំ សង្កាត់ និង (៧)ខេត្តស្ទឹងត្រែង៣៤ឃុំ សង្កាត់។
សេចក្ដីសម្រេចលេខ៦៥៧ សសរ.រម ចុះថ្ងៃទី០៩ ខែកុម្ភៈ ឆ្នាំ២០១១ ស្ដីពីការកែសម្រួលក្រុម ការងារគម្រោងវិមជ្ឈការ និងវិសហមជ្ឈការ គាំទ្រដោយ មូលនិធិសហប្រជាជាតិសម្រាប់ប្រជាជន UNFPA។