អង្គការ EC-UNDP
គម្រោង DDLG
គម្រោងពង្រឹងអភិបាលកិច្ចមូលដ្ឋានតាមបែបប្រជាធិបតេយ្យ និងវិមជ្ឈការនៅកម្ពុជា (Strenghening Democratic and Decentralization Local Governance in Cambodia “ DDLG”)មានគោលបំណងរួមចំណែកកាត់បន្ថយភាពក្រីក្រនៅកម្ពុជាតាមរយៈការពង្រឹងស្ថាប័ន ប្រព័ន្ធ យន្តការ និងដំណើរការអភិបាលកិច្ចមូលដ្ឋានតាមបែបប្រជាធិបតេយ្យ និងវិមជ្ឈការ។ គម្រោងនេះ ក៏មានបំណងពង្រឹងដំណើរការប្រជាធិបតេយ្យភាវូបនីយកម្ម និងការអភិវឌ្ឍមូលដ្ឋានតាមរយៈកិច្ចសហប្រតិបត្តិការរវាងក្រុមប្រឹក្សាឃុំ សង្កាត់ និងអ្នកពាក់ព័ន្ធផ្សេងទៀត សមា្រប់ឲមានគោលនយោបាយអភិបាលកិច្ចមូលដ្ឋាន ដែលកាន់តែមានប្រសិទ្ធភាព និងមានការឆ្លើយតប ព្រមទាំងមានភាពជាម្ចាស់ ការចូលរួម ការរួមចំណែករបស់ប្រជាពលរដ្ឋនៅមូលដ្ឋានកាន់តែធំធេង និងការអនុវត្តគម្រោងសហប្រតិបត្តិការអន្តរឃុំ សង្កាត់ ដែលគាំទ្រទៅដល់ជនក្រីក្រ។
គម្រោងនឹងត្រូវអនុវត្តតាមរយៈអង្គការ UNDP ដែលនឹងមានការទទួលខុសត្រូវ និងមានគណនេយ្យភាពដោយផ្ទាល់ចំពោះសហគមអឺរ៉ុប (EU) លើការសម្រេចបានទិសដៅរបស់គម្រោង និងការប្រើប្រាស់យ៉ាងត្រឹមត្រូវ នូវធនធានហិរញ្ញវត្ថុដែលផ្តល់ជាបដិភាគដោយ EU ដល់គម្រោង។ វិធីសាស្រ្តភាពជាដៃគូរ ចំពោះការអនុវត្តនឹងត្រូវប្រើប្រាស់ជាវិធីសាស្ត្រទូទៅ ការអភិវឌ្ឍភាពជា ដៃគូ ជាមួយអ្នកពាក់ព័ន្ធនានាដែលទាក់ទង នឹងអង្គភាពនៅថ្នាក់ជាតិ និងក្រោមជាតិ។
ភាពជាដៃគូរក្នុងការអនុវត្ត នឹងត្រូវអនុវត្តជាចម្បងជាមួយក្រសួងមហាផ្ទៃ ពិសេស នាយកដ្ឋានរដ្ឋបាលមូលដ្ឋាន ក្រសួងមហាផ្ទៃ។ ដៃគូរចំបងក្នុងការអនុវត្តគម្រោង គឺក្រសួងមហាផ្ទៃនឹងមានការទទួលខុសត្រូវលើការធានាឲមានសង្គតិភាពនៃលទ្ធផលរបស់គម្រោងជាមួយ កំណែទម្រង់វិមជ្ឈការ និងវិសហមជ្ឈការរបស់រាជរដ្ឋាភិបាលកម្ពុជា។ ភាពជាដៃគូរក្នុងការអនុវត្តនេះ នឹងត្រូវវាយតម្លៃក្នុងដំណាច់ឆ្នាំទី១ នៃការអនុវត្តគម្រោង ហើយនឹងធ្វើបច្ចុប្បន្នភាពនៅពេលកំណែទម្រង់វិមជ្ឈការ និងវិសហមជ្ឈការត្រូវបង្កើតឡើងដោយច្បាប់បង្កើតអង្គការ។
ជាក់ស្តែងម្រោង DDLG ត្រូវបានអនុវត្តដោយអគ្គនាយកដ្ឋានរដ្ឋបាលមូលដ្ឋាន(នាយកដ្ឋានរដ្ឋបាលមូលដ្ឋាន) ហើយចាប់ផ្តើមអនុវត្តពីឆ្នាំ២០០៦ រយៈពេល ៧២ខែក្នុងថវិកាចំនួន ១០,៩លានអឺរ៉ូ ដោយត្រូវពន្យារយៈពេល១ឆ្នាំ គឺត្រូវបញ្ចប់នៅខែ១២ ឆ្នាំ២០១១។ ដោយឡែកគម្រោង នេះមានគោលបំណងរួមចំណែកកាត់បន្ថយភាពក្រីក្រនៅថ្នាក់ក្រោមជាតិតាមរយៈការពង្រឹងស្ថាប័ន ប្រព័ន្ធយន្តការ និងដំណើរការអភិបាលកិច្ចមូលដ្ឋានតាមបែបប្រជាធិបតេយ្យ និងវិមជ្ឈការនៅកម្ពុជា ជាពិសេសពង្រឹងដំណើរការប្រជាធិបតេយ្យភាវូនីយកម្ម និងការអភិវឌ្ឍមូលដ្ឋានដែលផ្តោតលើសកម្មភាពក្នុងសមាសភាគចំនួនបី ដូចខាងក្រោម៖
-សមាសភាគទី១ សម្លេង និងគណនេយ្យភាព និងសមាសភាគទី២ សមាគមអភិបាលកិច្ចមូលដ្ឋាន
-សមាសភាគទី៣ សហប្រតិបត្តិការអន្តរឃុំ សង្កាត់